श्री क्षेत्र रायपाटण दत्तमंदिर तर्फे सोमवार दि. ३ फेब्रुवारी २०२० रोजी सकाळी ९.३० वाजता प्रमुख विश्वस्त यांच्य शुभहस्ते वीणा पूजन झाले. त्या नृसिंह सरस्वती व माऊली यांच्य प्रतिमेस हार घालून गुरूचरित्र ग्रंथाचे पारायण सुरु केले.
यज्ञसप्ताहात ह.भ.प. घनश्याम मोकल महाराज (उरण), ह.भ.प. नामदेव दळवी महाराज (मुंबई), ह.भ.प. पुंडलिक पांचाळ महाराज (मु.पो.जांभवडे), ह.भ.प. दौलत महाराज पाटेकर (कोळंब) यांनी प्रवचन व कीर्तन सादर केले. त्यांना मृदंगवर ह.भ.प. मारूती पांचाळ (जांभवडे), ह.भ.प. परशुराम लखु बांबरकर (रायपाटण) यांनी साथ दिली. तर कीर्तनास साथ ह.भ.प. राजाराम सुतार (करक), ह.भ.प. दत्ताराम पाटेकर (कोळंब) आणि ह.भ.प. यशवंतबुवा पांचाळ (जांभवडे) यांनी साथ दिली. गायक म्हणून ह.भ.प. सहदेव सुतार (कळंब), ह.भ.प. विठ्ठलबुवा पांचाळ (जांभवडे), ह.भ.प. यशवंतबुवा पांचाळ (जांभवडे) आणि ह.भ.प. पुंडलिकबुवा पांचाळ (जांभवडे) यांनी साथ दिली.