।। गणेशदत्त सरस्वत्यै सद्गुरू शरणं मम:।।
पंचायतन सद्गुरू दत्तवारी
दत्तचिया भक्ता नाही भयचिंता।
विश्वंभरा तू केशवा आदी नमो गणराया ।।
शु्द्ध व्हावया अंत:करण करावे गा तिर्थागमन।
तिर्थयात्रा श्रद्धा गहन तिर्थाटन या नाव।।
अवधूत चिंतन श्री गुरूदेव दत्त।।
चैतन्य श्री सद्गुरू दत्तदासांचे दास स्वामी महादेवानंदजी बांबरकर महाराज यांच्या कृपाशीर्वादाने,
आपणा सर्वांना विनम्र अभिवादन,
ज्या क्षणाची आपण आतुरतेने वाट पाहत होतो. तो क्षण आणि तो दिवस सद्गुरूंच्या कृपा आशीर्वादाने आला आहे. तो म्हणजे आपल्या सर्वांची सद्गुरूंची दत्तवारी (पंचायतन). सालाबादप्रमाणे, मार्गशीर्ष शुक्ल पक्ष एकादशी मंगळवार दिनांक १४ डिसेंबर, २०२१ पासून ते मार्गशीर्ष शुक्ल चतुर्थी शनिवार १८ डिसेंबर, २०२१ पर्यंत वारीचे नियोजन करण्यात आले. यात दुग्धशर्करा योग म्हणजे श्री क्षेत्र रायपाटण, बांबरकरवाडीतील दत्त मंदिरात साजरा होणारा 'दत्तजन्मोत्सव' सोहळा वारकरी बंधू-भगिनींना पाहयला मिळणार आहे.
वारी परंपरेचा पाया संतश्रेष्ठ ज्ञानेश्वर माऊली व संत श्री एकनाथ महाराज यांनी रचला. मानवी जीवाला सततच्या दु:खी-कष्टी जीवनातून आनंद मिळावा यासाठी दत्तदासांचे दास दहिवलीकर महाराज यांच्या कृपाशीर्वादाने स्वामी महादेवानंदजी महाराज यांनी श्री क्षेत्र गाणगापूर येथील कल्लेश्वर मंदिरात दत्तवारीचा संकल्प सोडला होता. जनकल्याणासाठी, भाविकांचे दु:ख-दारिद्रय, वैयक्तिक-कौटुंबिक अडचणी, व्यसनमुक्ती आदी सर्व व्याधी दूर व्हाव्यात. यासाठी सद्गुरूंनी नवरात्री उत्सवाच्या काळात १४ वर्षे अनुष्ठानं केली तसेच श्री क्षेत्र गाणगापूर येथील संगम स्थानावर गुरूचरित्र पारायण स्वरूपात साक्षात दत्त महाराजांची तपश्चर्या केली.
यंदा आपल्या सद्गुरू दत्तवारीची सुरूवात पांडुरंगाच्या एकादशी दिवशी होऊन ती दत्तजन्मोत्सवाच्या दिवसाला सांगता होणार आहे. आपण सर्व भक्तगण आणि शिष्य परिवार खूप भाग्यवान आहोत. आपण सर्वांना दत्त-नवरात्रीतील पाच दिवस सद्गुरूंचे नामस्मरण करण्यासाठी मिळाले आहेत. या संधीतून आपल्याला कुटुंबासाठी दत्तमहाराजांचा कृपा आशीर्वाद प्राप्त होणार आहे. त्यासाठी लवकरात लवकर आपआपल्या गाडीप्रमुखाकडे नावे नोंदवावीत.
कोविडची पार्श्वभूमी लक्षात घेता वारी दरम्यान आपल्याला स्वत:ची आणि आपल्या सहकाऱ्यांची-कुटुंबाची काळजी घ्यायची आहे. सरकारने आखून दिलेल्या सर्व नियमांचे पालन करणे. हे आपल्यासाठी क्रमप्राप्त आहे. यातून आपलेच संरक्षण होणार आहे.
पंचायतन सद्गुरू दत्तवारीतील तीर्थस्थळे : श्री क्षेत्र रायपाटण (ता. राजापूर, जि. रत्नागिरी)
श्री क्षेत्र तुळजापूर (ता. तुळजापूर, जि. उस्मानाबाद)
श्री क्षेत्र अक्कलकोट (ता. अक्कलकोट, जि. सोलापूर)
श्री क्षेत्र गाणगापूर (ता. अफझलपूर, जि. गुलबर्गा, कर्नाटक)
श्री क्षेत्र पंढरपूर (ता. पंढरपूर, जि. सोलापूर)
श्री क्षेत्र कुरूंदवाडी (ता. आटपाडी, जि. सांगली)
सद्गुरू दत्तवारीतील सर्व भाविकांची पाच दिवस राहण्याची, चहा-नाष्टा आणि जेवणाची सोय करण्यात आली आहे. जिथे शक्य होईल त्या तीर्थक्षेत्राच्या स्थळी मंदिराच्यावतीने दिला जाणारा आशीर्वादरूपी महाप्रसाद घेतला जाईल.
श्री क्षेत्र रायपाटण (दत्तमंदिर) येथून वारीत सहभागी होण्याचा प्रवास खर्च प्रति व्यक्ती रूपये ४०००/-
मुंबईतून वारीत सहभागी होण्याचा प्रवास खर्च प्रति व्यक्ती रूपये ४५००/-
वारीत सहभागी होण्यासाठी संपर्क क्रमांक श्री. जयेश बांबरकर : +91 79778 67076
श्री क्षेत्र रायपाटण दत्त मंदिर गाडीप्रमुख -
श्री. वसंत कोळवणकर : +91 94029 07997
श्री. गुरूप्रसाद ताम्हणकर : +91 94220 70772
श्री. अनंत सावंत : +91 92257 2778
श्री. दत्ताराम पवार : +91 84128 42804
कल्याण विभाग गाडीप्रमुख -
श्री. श्रीधर बांबरकर : +91 83559 85241
श्री. चंद्रकांत साठे : +91 94226 84113
श्री. महादेव शेटे : +91 99699 79071
श्री. सुनील कडू : +91 90824 96896
कांदिवली विभाग गाडीप्रमुख -
श्री. विजय बांबरकर : +91 98920 95609
श्री. विनय वस्त : +91 98920 91858
श्री. सचिन झगडे : +91 97301 59234
श्री. प्रकाश बांबरकर : +91 90291 69842
......................................................................................................................................................................
सूचना ;
१. दत्तवारील येताना भाविकांनी कोविड लसीकरणाचे दोन्ही डोस पूर्ण झाल्याचे प्रमाणपत्र सोबत आणणे बंधनकारक आहे.
२. आरोग्याच्या दृष्टीने स्वत:ची औषधे, अंथरूण-पांघरूण, जेवणासाठी ताट-वाटी-ग्लास स्वत: आणावे.
३. प्रवासादरम्यान मास्क वापर बंधनकारक आहे. सॅनिटायझरचा वेळोवेळी वापर करावा.
४. भाविकांनी आपल्यासोबत शक्यतो मौल्यवान वस्तू (महागडे मोबाईल, घड्याळे, दागिने आदी) आणू नयेत. आणल्यास त्याची जबाबदारी स्वत:वरच असेल.
आपले नम्र,
सद्गुरू दत्तवारी (श्री क्षेत्र रायपाटण)
दत्तदास सद्गुरू सेवा मंडळ
